काठमाडौं । सधैंजसो राजनीतिक गतिविधि तथा कूटनीतिक भेटघाटमा सक्रिय रहने पूर्वप्रधानमन्त्री माधवकुमार नेपालले छमछमी नृत्य प्रस्तुत गर्दाको दृश्यले धेरै दर्शकको मन जित्यो । 

 

 

 

रौतहट–काठमाडौं सम्पर्क समन्वय कमिटीले विजया दशमी, दीपावली तथा छठका अवसरमा शनिबार आयोजना गरेको शुभकामना आदानप्रदान तथा सांस्कृतिक कार्यक्रममा उनले सांस्कृतिक रुपमा एकताबद्ध हुन सन्देश दिए। 

 

 

 

नेपाल कम्युनिस्ट पार्टी (नेकपा) का वरिष्ठ नेता नेपाललाई महासचिव विष्णु पौडेल तथा नेताहरु प्रभु साह, बंशीधर मिश्र लगायतले साथ दिए ।

 

 

नेताहरुको सामूहिक नृत्यस्थल बनेको मञ्चमा व्यावसायिक फोटोग्राफरका साथै दर्शक दीर्घाबाट क्यामेरा र मोबाइलबाट तस्वीर लिनेको कमी थिएन । 

 

 

सोही मञ्चमा एकछिन अगाडि नेकपाका अध्यक्ष प्रचण्ड रहेका थिए तर उनी माधव कुमार नेपालको नृत्य हेर्न पाएनन् । प्रचण्ड आजै गोरखा जाने हतारोले गर्दा समारोहलाई सम्बोधन गरेर निस्कीए । 

 

 

अध्यक्ष प्रचण्डले निरङ्कुश शासन तथा सामन्तवादविरुद्ध चेतना फैलाउन र कम्युनिष्ट आन्दोलनलाई सशक्त बनाउन रौतहटको भूमिको ठूलो योगदान रहेको स्मरण गरे । 

 

 

 

नेता नेपालले विगतदेखि नै त्यहाँका जनताले कम्युनिष्ट चिन्तनलाई संरक्षण गरेको बताउँदै विसं २०१५ को चुनावमा रौतहटले दुई स्थान प्राप्त गरेको स्मरण गरे ।

 

 

उनले पछिल्लो समयमा देशमा बढेको हत्या, हिंसा, बलात्कारका घटनाप्रति दुःख व्यक्त गर्दै अपराधीलाई पहिचान गरी कडा कारवाही गर्नुपर्नेमा जोड दिए । 

 

 

महासचिव पौडेलले पार्टीभित्रको एकता प्रक्रियालाई चाँडो टुङ्गोमा पु¥याउन जनवर्गीय सङ्गठनबीच अन्तिम चरणको छलफल भइरहेको जानकारी गराए । 

माधवकुमार नेपाल छमछमी नृत्य