राष्ट्रपति भण्डारी बिहीबार स्वदेश फर्किदै
कतार । राष्ट्रपति विद्यादेवी भण्डारी कतारको चार दिने औपचारिक भ्रमण पूरा गरी बिहीबार साँझ स्वदेश फर्कदै छिन् ।
मित्र राष्ट्र कतारका अमिर शेख हमाद बीन खालिदा अल थानीको मैत्रीपूर्ण निमन्त्रणामा एक प्रतिनिधिमण्डलको नेतृत्व गर्दै राष्ट्रपति भण्डारी सोमबार कतार भ्रमणमा आएकी हुन् ।
कतारमा रहँदा राष्ट्रपति भण्डारीसँग कतारका अमिर लगायत यहाँका सरकारी उच्च अधिकारीहरूको भेटवार्ता भएको थियो।
साथै उजले यहाँका विभिन्न स्थान र सम्पदाको भ्रमण समेत गरिन् । राष्ट्रपति भण्डारीका साथ उच्चस्तरीय सरकारी टोली पनि आजै स्वदेश फर्कदै छ।
राष्ट्रपति भण्डारीलाई कतारका मन्त्री र कतारका लागि नेपाली राजदूत रमेशप्रसाद कोइराला लगायत दूतावासका अधिकारीहरूले हमाद अन्तरराष्ट्रिय विमानस्थलमा विदाइ गर्ने कार्यक्रम रहेको यहाँस्थित दूतावासले जनाएको छ ।
