काठमाडौं । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले राष्ट्रिय एकता भए मात्र देशमा विकास र समृद्धि सम्भव भएको बताएका छन्।

 

 

नेपाली कांग्रेसद्वारा आयोजित चियापान कार्यक्रममा प्रचण्डले भने,‘देशमा ठूला परिवर्तनहरू एकताबाट मात्रै सम्भव भयो, अब पनि एकताबाटै सम्भव हुन्छ।’

 

 

साथै, उनले बिपीले भनेको राष्ट्रिय मेलमिलाप त्यसबखत जति सान्दर्भिक थियो, अहिले पनि उति नै सान्दर्भिक रहेको बताए।

 

 

नेकपाका अर्का नेता झलनाथ खनालले आफूले लामो समयदेखि प्रतिपक्ष देख्न नपाएको र कांग्रेसको चियापानले  प्रतिपक्ष देख्ने अवसर जुराइदिएको बताए । उनले भने, ‘प्रतिपक्ष देख्न पाएको थिइनँ, यहाँ अएर देख्न पाएँ ।’