काठमाडौं । नेपाली कांग्रेसले महासमिति बैठकको कार्यक्रम तालिका सार्वजनिक गरेको छ । तालिका अनुसार महासमिति बैठक शनिबार बिहान ११ बजे उद्घाटन गर्ने कार्यक्रम रहेको पार्टी केन्द्रीय कार्यालयका मुख्य सचिव कृष्णप्रसाद पौडेलले जानकारी दिएका छन् । 

 

मंसिर २९ देखि पुस ३ गतेसम्म बैठक चल्ने कांग्रेसले जनाएको छ।

कार्यक्रम तालिका अनुसार मङ्सिर २८ गते कांग्रेस केन्द्रीय कार्यालयमा महासमिति सदस्यको दर्ता एवं स्वागत हुनेछ । मङ्सिर २९ गते बिहान ११ बजे सिंहदरबार अगाडिको यगम्बर पार्टी प्यालेसमा बैठकको उद्घाटन हुनेछ । 

त्यस्तै उद्घाटन समारोह समापनलगत्तै सोही स्थानमा बन्दसत्र प्रारम्भ हुने र त्यसपछि पुस १, २ र ३ गते बिहान ८ देखि बेलुकी ५ बजेसम्म बन्दसत्रको छलफल चल्ने पार्टी कार्यालयले जनाएको छ ।