काठमाडौं । भारतीय राजदूत मञ्जीभसिंह पुरी गएराति नवनियुक्त प्रधानमन्त्री केपी ओलीको निवास भक्तपुरस्थित बालकोट पुगेका छन्।

 

बिहीबार प्रधानमन्त्री नियुक्त भएका ओलीलाई भेट्न राजदूत पुरी मध्यरात बालकोट पुगेका हुन्। भारतीय प्रधानमन्त्री मोदीको बधाई तथा शुभकामना सन्देश लिएर बालकोट पुगेका उनले ओलीलाई सफल कार्यकालको शुभकामना दिए।

 

मोदीले पठाएको शुभकामनापत्र उनले हस्तान्तरण गरेका छन्। ओलीको नेतृत्वमा आर्थिक विकास र समृद्धि पनि हासिल हुने विश्वास व्यक्त गर्दै शुभकामनापत्रमा मोदीले नेपाल र भारतको प्रगाढ विश्वास, सद्भाव र पारस्परिक विश्वासमा आधारित युगौँ पुरानो सम्बन्धलाई विकास गर्न आफूहरुले उच्च महत्व दिने उल्लेख गरिएको छ।

 

त्यसका लागि नेपाली जनता र नेपाल सरकारको साथमा रहेर विकासका लागि सहयोग गर्न भारत तयार रहेको पत्रमा उल्लेख रहेको प्रेस संयोजक अधिकारीले जानकारी दिए।