जागिरको खोजीमा भारतीय अभिनेता अमिताभ बच्चन
काठमाडाैं । भारतीय अभिनेता अमिताभ बच्चनले आफ्नो सम्पूर्ण बायोडाटासहित आफ्नो ट्वीटर एकाउन्ट र इन्ट्राग्राममा लेखेका छन् – म जागिरको खोजीमा छु ।
उक्त बायोडाटामा उनले आफूले अहिलेसम्म खेलेका फिल्म, जानेका भाषा र आफ्नो उचाइसमेत छुटाएका छैनन् । के उनले साँच्चै जागिरकै खोजीमा यस्तो गरेका हुन् त ? उनको यस्तो ट्वीटले भारतका कतिपय निर्देशक तथा अभिनेतासमेत अचम्भित परेका छन् ।
साथै उनले भारतीय सेलिब्रेटीका उचाइबारे भारतबाटै प्रकाशन हुने एक अंग्रेजी पत्रिकालाई बताएअनुसार अभिनेत्री दीपिका पादुकोण र क्याट्रिना कैफको उचाइ शाहिद कपुर र आमिर खानभन्दा बढी भए पनि फिल्ममा जोडी मिलेको बताएका छन् ।
उनको यस्तो प्रतिक्रियाले उनीसँग काम गर्न चाहने कतिपय निर्देशकलाई हैरानीको सामनासमेत गर्नुपरेको छ ।
उक्त अखबारमा दिइएको अन्तर्वार्तामा आखिर ‘पद्यावत’ फिल्मको सुटिङमा निर्देशक संजयलीला भन्सालीले कसरी शाहिद कपुरलाई दीपिकाभन्दा अग्लो देखाएछन् भन्ने आफूलाई खुल्दुली पनि लागेको बताएका छन् ।
पत्रिकाले अमिताभको उक्त कुरालाई लिएर आउँदै गरेको फिल्म ‘थग्स अफ हिन्दुस्तान’ मा भएका जोडी आमिर र क्याट्रिनाको विषय पनि उल्लेख गरेको छ । फिल्लमा यिनीहरूका अलावा अमिताभ पनि देखिनेछन् ।
अमिताभ बच्चनले यसैको अन्दाजमा आफूले जब एप्लिकेसन दिएका बताएका छन् । उनको यस पोस्टलाई लिएर सामाजिक सञ्जालमा अहिले बाढी नै आएको छ । इन्ट्राग्राममा त २ घन्टामा करिब पौने तीन लाखले लाइकसमेत गरेका थिए । जसमा साढे आठ हजार कमेन्ट थियो ।
