काठमाडौं । कांग्रेस संसदीय दलको नेता चयनको निर्वाचनका लागि २० गते उम्मेदवारी दर्ता गर्नु पर्ने भएको छ । २१ गते निर्वाचन तोकिएको छ ।

संसदीय दल निर्वाचन समितिको मंगलबार बसेको बैठकले उम्मेदवारी दर्ताको समय तोकेको हो । २१ गते अपरान्ह ४ बजे संघीय संसदको संयुक्त बैठक बोलाइएकाले त्यस अघि नेता चयन गरेर संघीय संसद सचिवालयलाई जानकारी गराइसक्ने तयारी गरिएको नेता चीनकाजी श्रेष्ठले जानकारी दिए ।

दलको नेताका लागि सभापति शेरबहादुर देउवा र पूर्वमहामन्त्री प्रकाशमान सिंहबीच चुनाव हुने सम्भावना छ ।