कांग्रेस नेता रामचन्द्र पौडेलले आयोजना गरेको चियापान कार्यक्रममा शेरबहादुर देउवा पक्षका नेताहरू अनुपस्थित भए ।

सम्पन्न चुनावका सम्मानमा सोमबार आयोजना गरिएको उक्त चियापानमा देउवालगायत उनी निकट मानिएका नेताहरु नगएका हुन् ।

 

नेता पौडेलले आफ्नै निवासमा चियापान कार्यक्रम गरेका थिए । कार्यक्रममा कांग्रेस नेता गगन थापा, भीमसेनदास प्रधान धना खतिवडासहितका अन्य नेता भने उपस्थित थिए । त्यस्तै देवेन्द्रराज कँडेल, पुष्पा भुसाल पनि कार्यक्रममा गएका थिए ।

निर्वाचनका विजेता सबै माननीयलाई जानकारी गराइ आमन्त्रण गरिए पनि देउवा निकट मानिएका नेताहरु भने उपस्थित नभएका नेता चिरञ्जीवी ढुंगानाले जानकारी गराए ।

उनले आइतबार केद्रीय समितिको कार्यक्रममा पौडेलले देउवालाई विभिन्न आरोप लगाएका कारण देउवा असन्तुष्ट भएको हुन सक्ने र नआएको हुन सक्ने जानकारी पनि दिए । याे खबर अाजकाे नागरिक दैनिकमा छ