प्रदेश नम्बर ६ मा माघ २९ गते सभामुख चयन गरिने भएको छ । आईतबार (आज) बसेको प्रदेशसभाको पहिलो बैठकले २९ गते बस्ने दोस्रो बैठकमा सभामुख चयन गर्ने प्रस्ताव पारित गरेको हो ।

जेष्ठ सदस्य हिमबहादुर शाहीले सुरु गरेको बैठक एमाले, माओवादी, कांग्रेस र राप्रपाबाट चारजना सांसदले सम्बोधन गरेका थिए । यस्तै, विभिन्न प्रस्तावहरु पनि बैठकमा पारित भएको छ ।

बैठकमा एमालेबाट यामलाल कंडलले, माओवादी केन्द्रबाट महेन्द्रबहादुर शाही, कांग्रेसबाट जीवनबहादुर शाही र राप्रपाबाट शोसीला शाहीले सम्बोधन गरेका थिए ।