युवा संघ र अनेरास्ववियु नेतृत्वका यी हुन् दाबेदार
नविना र राजीवले अखिल र युवा संघ छाड्ने
काठमाडौं । नेकपा एमालेका शक्तिशाली दुई भ्रातृ संगठनका अध्यक्षहरु प्रतिनिधिसभा र प्रदेशसभाको सांसद बनेपछि संगठनको नेतृत्वका लागि पदाधिकारीको हानथाप शुरु भएको छ ।
एमालेको जनवर्गीय संगठनमा युवा सघं नेपाललाई शक्तिशाली संगठनका रुपमा लिने गरिएको छ । त्यस्तै विद्यार्थीको संगठनमा अखिल नेपाल राष्ट्रिय विद्यार्थी युनियन (अनेरास्ववियु) पनि त्यत्तिकै बलियो विद्यार्थी संगठनका रुपमा स्थापित छ ।
युवा संघका अध्यक्ष राजीव पहारी कास्की ४ बाट प्रदेशसभा सदस्यमा निर्वाचित भएपछि नेतृत्व हस्तान्तरणको बहस शुरु भएको हो । सांसदको जिम्मेवारीमा गएपछि अनेरास्ववियुकी अध्यक्ष नविना लामाले नेतृत्व हस्तान्तरण गर्ने घोषणा गरिसकेकी छन् । उनी एमाले प्रतिनिधिसभा समानुपातिक सांसद हुनु ।
अनुरास्ववियुमा अहिले चार उपाध्यक्षसहित महासचिव गरी पाँच जनाको एकसाथ नेतृत्वको दावी देखिएको छ । जसमा उपाध्यक्षहरु सुनिता बराल, शैलेश लामा, रश्मि आचार्य, महेश बर्तौला तथा महासचिव ऐनसिंह महरको मुख्य दाबेदारी छ ।
एमालेको ब्याकबोनका रुपमा सथापित युवा संघ नेपालको नेतृत्वको दाबी पाँच जना दौडमा देखिनु भएको छ । दौडमा वरिष्ठ उपाध्यक्ष दिलु पन्त, उपाध्यक्षहरु रमेश पौडेल, राजु गुरुङ, महासचिव किरण पौडेल, र सचिव नरेश शाही देखिएका छन् ।
