यस्ताे देखियाे, संघीय संसद भवनमा राष्ट्रपति निर्वाचन (फाेटाेफिचर)
काठमाडौँ | राष्ट्रपतिको निर्वाचन काठमाडौँको नयाँ वानेश्वरस्थित संघीय संसद भवनमा जारी छ । बिहान १० बजेबाट सुरु भएको निर्वाचन प्रकृया अपरान्ह ३ बजेसम्म मतदान गर्न सकिने छ ।
राष्ट्रपतिका लागि संघीय संसदका सांसदहरु (प्रतिनिधिसभा र राष्ट्रयसभाका सांसद) र प्रदेशसभाका सांसदहरुले मतदान गर्न पाउनेछन् । संघीय संसदमा ३३१ जना र प्रदेशसभामा ५ सय ५९ जना सांसदहरु रहेका छन् ।
राष्ट्रपतिको दौडमा वाम गठबन्धन (एमाले र माओवादी)को तर्फबाट वर्तमान राष्ट्रपति विद्यादेवी भण्डारी र कांग्रेसको तर्फबाट कुमारी लक्ष्मी राई प्रतिस्पर्धामा रहेका छन् ।
राष्ट्रपति निर्वाचनमा प्रधानमन्त्री केपी ओली, कांग्रेस सभापति तथा पूर्वप्रधानमन्त्री शेरबहादुर देउवा, माओवादी केन्द्रका अध्यक्ष तथा पूर्वप्रधानमन्त्री प्रचण्ड, सभामुख कृष्णबहादुर महरालगायतले मतदान गरिसकेका छन् ।
तस्वीरः रत्न श्रेष्ठ, रासस
