रुकुममा शिशुको लास भेटियो
रुकुम । रुकुमको आठबिसकोट नगरपालिका ११ स्थित गिजागाढमा एक शिशु मृत अवस्थामा भेटिएका छन् । बुधबार बिहान ६ बजे फोहोरको डंगुरमा फालिएको अवस्थामा शिशुको लास भेटिएको हो ।
शवलाई परीक्षणका लागि जिल्ला अस्पताल खलंगा पठाइएको जिल्ला प्रहरी कार्यालय रुकुमका प्रहरी उपनिरीक्षक राजेन्द्रप्रसाद धमलाले जानकारी दिएका छन् ।
उक्त शिशुलाई त्यस्तो अवस्थामा कसले कसरी फ्याँक्यो भन्नेबारे अनुसन्धान भइरहेको प्रहरीले बताएको छ । कसैले हत्या गरी फालिएको हुनसक्ने प्रहरीको अनुमान छ । यद्यपि अनुसन्धान जारी रहेको बताइएको छ ।
