काठमाडौँ । पूर्वगृहमन्त्री तथा कांग्रेस नेता खुमबहादुर खड्काको शुक्रबार साँझ निधन भएको छ।

 

पूर्वगृहमन्त्री खड्काको भारत दिल्लीस्थित अपोलो अस्पतालमा उपचार भइरहेको थियो। मिर्गौला प्रत्यारोपण गरिएका खड्का यहीसम्बन्धी संक्रमणका कारण उपचाररत थिए।

 

कांग्रेस प्रवक्ता विश्वप्रकाश शर्माले उनको निधनमा ट्विट गर्दै नेता खड्काको निधन भएको जानकारी गराएका हुन्।

 

‘उहाँको आत्माले शान्ति प्राप्त गरोस्, कामना गर्दै,परिवारजनमा हार्दिक समवेदना व्यक्त गर्दछु!!’ शर्माको ट्विटमा उल्लेख छ।