कैलाली । नेकपा एमालेका उपाध्यक्ष भीम रावलले माओवादी केन्द्रसँग छिट्टै पार्टी एकता हुने बताएका छन् ।

 

शनिबार धनगढी विमानस्थलमा सन्चारकर्मीहरुसँग कुराकानी गर्दै उनले एकताको गृहकार्य अन्तिम चरणमा पुगेको भन्दै छिट्टै एकता हुने बताएका हुन् ।

 

उनले छिट्टै केन्द्रीय संयोजन समितिको बैठक बसेर तयार पारिएका दस्तावेज पारित गरी एकता प्रक्रिया अगाडि बढाइने बताए ।

 

नेता रावलले दस्तावेजलाई अन्तिमरुप दिन ढिलाइ भएकाले प्रधानमन्त्री केपी शर्मा ओलीको भारत भ्रमणअगाडि एकता हुन नसकेको दाबी गरे ।

 

पार्टी एकतामा कुनै बाधा–अड्चन नभएको उनको भनाइ थियो ।

 

प्रधानमन्त्री ओलीको भारत भ्रमणमा नेपाल–भारतबीच रहेको व्यापार सम्बन्ध र पारस्पारिक हितका कुरालाई महत्व दिइने उनले बताए ।