काठमाडौं । नयाँशक्ति पार्टी नेपालका नेता खिमलाल देवकोटा माओवादी केन्द्रमा प्रवेश गरेका छन् ।

मंगलबार माओवादी केन्द्रको पार्टी कार्यालय पेरिसडाँडामा आयोजित एक कार्यक्रमका बीच नेता देवकोटा माओवादी केन्द्रमा प्रवेश गरेका हुन्। देवकोटालाई माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीमा स्वागत गरेका थिए ।

देवकोटा डा बाबुराम भट्टराईसँगै माओवादी केन्द्र छोडेर नयाँशक्ति पार्टीमा सक्रिय थिए । नयाँशक्ति पार्टीका प्रवक्ता समेत रहेका देवकोटाले चुनावमा पार्टीकाे नराम्रो पराजयपछि प्रवक्ताबाट राजीनामा दिएका थिए ।

देवकोटा लामो समय कानून व्यावसायीका रुपमा कार्यरत थिए । देवकोटा माओवादी केन्द्रमा बाबुराम भट्टराई निकट नेता थिए ।

यसअघि नयाँ शक्तिबाट देवेन्द्र पौडेलसहितका नेताहरु माओवादी केन्द्रमा फर्किसकेका छन्। भने मंगलबार देवकोटाका नेतृत्वमा दर्जनौ नेता माओवादी केन्द्रमा प्रवेश गरेका हुन ।