काठमाडौं । प्रधानमन्त्री केपी शर्मा ओलीले नेकपा (एमाले) का वरिष्ठ नेता तथा पूर्वप्रधानमन्त्री माधवकुमार नेपाललाई जन्मदिनको शुभकामना व्यक्त गरेका छन् ।

मंगलबार नेता नेपालको ६५औं जन्मदिनको अवसरमा प्रधानमन्त्री ओलीले बालुवाटारमा फूलको बुके दिएर उनको दीर्घायुको कामना गरेका हुन् । यसैगरी प्रधानमन्त्री ओलीले ‘बर्थ डे केक’ खुवाएर नेता नेपाललाई शुभकामना व्यक्त गरेका छन्  ।

 

नेता नेपालले पनि प्रधानमन्त्री ओली र ओली पत्नि राधिका शाक्यलाई धन्यवाद दिँदै आफ्नो जन्मदिनको केक खुवाए ।

 

बालुवाटारमा बसेको एमाले स्थायी कमिटी बैठकमा नेता नेपालको जन्मदिन मनाइएको हो । जन्मदिनको अवसरमा पार्टीका नेताहरुले नेता नेपाललाई शुभकामना व्यक्त गरेका थिए ।

 

नेता नेपालले आफूलाई जन्मदिनको शुभकामना दिने प्रधानमन्त्रीलगायत सम्पूर्ण नेता-कार्यकर्ता तथा शुभेच्छुकहरुलाई धन्यवाद दिएका थिए ।
केही दिनअघि प्रधानमन्त्री ओलीले आफ्नो जन्मदिन पनि बालुवाटारमा केक काटेर मानेर मनाएका थिए । सरकारी निवास बालुवाटारमा केहीबेरअघि सुरू भएको बैठकमा राष्ट्रपतिको उमेदवारी टुङ्ग्याइन एमाले स्थाई कमिटिको बैठक बसिरहेको छ ।