काठमाडौं । माओवादी केन्द्रले कृष्णबहादुर महरालाई सभामुखको उम्मेदवार बनाउने निर्णय गरेको छ ।

 

शुक्रबार बिहान पार्टी अध्यक्ष पुष्पकमल दाहाल प्रचण्ड निवास खुमलटारमा बसेको केन्द्रीय सचिवालय बैठकले महराको नाममा सर्वसम्मति गरेको हो।

 

माअाेवादीमा पूर्व सभामुख ओनसरी घर्तीले समेत सभामुख पदमा दोहोरिने इच्छा देखाउदै आएकी थिइन् । सभामुखमा देव गुरुङ, गिरिराजमणि पोखरेल, अग्नि सापकोटा लगायतका नेताले दाबी गर्दै आए थिए ।

 

यस्तै एमालेले राष्ट्रियसभा अध्यक्ष माओवादीलाई दिएर सुवास नेम्वाङलाई सभामुख बनाउन चाहेको थियो । तर , माओवादीले सभामुख दिन नसकिने भन्दै महरालाई उम्मेदवार बनाउने निर्णय गरेको छ ।