काठमाडौं । प्रधानमन्त्री केपी शर्मा ओलीले मनोनयन गरेका तीन जना राष्ट्रिय सभा सदस्यले शुक्रबार (आज) शपथ ग्रहण गर्दै छन् ।

 

दिउँसो १२ बजेपछि ओली सरकारले मनोनीत गरेका सदस्यहरु डा. युवराज खतिवडा, रामनारायण विडारी र डा. विमला पौडेलले पद तथा गोपनीयताको सपथ ग्रहण गर्ने भएका हुन् । सपथ ग्रहण नयाँ बानेश्वरस्थित संसद् भवनमा हुनेछ ।

 

यसअघि १३ फागुनमा ओलीले मनोनित गरेको सदस्यको सपथ रोक्न सर्वाेच्च अदालतले अन्तरिम आदेश दिएको थियो ।

तर, बुधबारको इजलासले उक्त अन्तरिम आदेशलाई निरन्तरता दिनु नपर्ने बताएसँगै ओली सरकारले मनोनित गरेका सदस्यहरुको सपथ ग्रहण गर्ने बाटो खुलेको थियो ।

५९ सदस्यीय राष्ट्रियसभामा ५६ जना हरेक प्रदेशबाट चुनिने र ३ जना सरकारको सिफारिसमा राष्ट्रपतिले मनोनित गर्ने संवैधानिक व्यवस्था छ ।