वैचारिक दृष्टिकोण र सिद्धान्तमा परिवर्तन हुँदैनः अध्यक्ष थापा
काठमाडौं । राष्ट्रिय प्रजातन्त्र पार्टीका अध्यक्ष कमल थापाले पार्टीले रणनीति र कार्यनीतिमा परिवर्तन गरेको भए पनि वैचारिक दृष्टिकोण र सिद्धान्तमा परिवर्तन नगरेको बताएका छन् ।
राष्ट्रिय प्रजातान्त्रिक विद्यार्थी संगठनको बुधबार आयोजित भेलामा उनले भने, “चुनावमा पार्टीले पराजय भोगेको भए पनि प्रजातन्त्र र हिन्दूराष्ट्रको मान्यतामा आधारित संवद्र्धनवादका विचारमा प्रष्ट छ ।”
अध्यक्ष थापाले प्रजातान्त्रिक विधि र मान्यताबाट पार्टीका विचारलाई स्थापित गरिने उल्लेख गर्दै देश विकासका लागि भ्रष्टाचार अहिले मुख्य चुनौती भएको हुँदा यसको विरुद्धमा आफूहरुले देशभर गतिविधि सञ्चालन गर्ने बताए ।
पार्टीका उपाध्यक्ष बुद्धिमान तामाङ, महामन्त्री राजेन्द्र लिङ्देनलगायतले अब मुलुकको विकासका लागि आवश्यक पर्ने जनशक्ति विकास गर्नुपर्ने बताउँदै विद्यार्थी आन्दोलन गुणस्तरीय र प्राविधिक शिक्षामा केन्द्रित हुनुपर्नेमा जोड दिए ।
उक्त सम्मेलनमा ७२ जिल्लाका ३५० प्रतिनिधि सहभागी थिए ।
कमल थापा
