काठमाडौं । नेपालकाे २ दिने भ्रमणमा रहेका भारतीय प्रधानमन्त्री नरेन्द्र मोदीले राष्ट्रपति बिद्यादेवी भण्डारीसँग शिष्टाचार भेटवार्ता गरेका छन्। राष्ट्रपतिकार्यालय शीतलनिवास पुगेर मोदीले भण्डारीसँग भेटेका हुन्। 

 

भेटवार्ताका क्रममा उनीरुबीच दुवै देशबीचको मैत्रीपूर्ण सम्बन्धलाई नयाँ उचाईमा पुर्याउने प्रतिवद्धता अझ प्रगाढ बनाउन विषयमा छलफल भएको छ ।   

 

भेटका अवसरका नेपाल सरकारका परराष्ट्रमन्त्री प्रदीपकुमार ज्ञवाली तथा नेपाल सरकार तथा भारत सरकारका उच्च पदस्थ अधिकारीहरुको समेत उपस्थिति रहेको राष्ट्रपति कार्यालयले जनाएको छ । 

त्यसअघि उनले उपराष्ट्रपति नन्दबहादुर पुनसँग भेटवार्ता गरेका थिए । टुँडिखेलमा ‘गार्ड अफ अनर’को सम्मान ग्रहणपछि उनले राष्ट्रपति र उपराष्ट्रपतिलाई भेटेका हुन्। 

भेटपछि मोदी द्वारिका होटल पुगेका छन्। जहाँ प्रधानमन्त्री केपी शर्मा ओलीसँग उनको औपचारिक भेटवार्ता हुनेछ। 

नरेन्द्र मोदी