मोदीको ‘नागरिक अभिनन्दन’मा ओली जनकपुर जाने
धनुषा । भारतीय प्रधानमन्त्री नरेन्द्र मोदीलाई जनकपुरमा गरिने ‘नागरिक अभिनन्दन’ मा प्रधानमन्त्री केपी शर्मा ओली पनि सहभागी हुने भएको छन् ।
गृहमन्त्री रामबहादुर थापाले जनकपुरमा पत्रकार सम्मेलन गरी मोदीको अभिनन्दनका बेला प्रधानमन्त्री ओली पनि जनपुर पुग्ने जानकारी दिएका हुन् ।
भारतीय प्रधानमन्त्री मोदीले पूजाआजा गर्ने जानकी मन्दिर र अभिनन्दन गरिने बाह्रबिगाहा मैदानको स्थलगत निरीक्षणका लागि गृहमन्त्री थापा जनकपुर पुगेका छन् ।
पत्रकार सम्मेलनमा गृहमन्त्री थापाले मोदीको नेपाल भ्रमण धार्मिक र सांस्कृतिक हुने दाबी गर्दै भ्रमणमा राजनीतिक सम्झौता नहुने बताए । भारतीय प्रधानमन्त्री मोदीको सुरक्षाको राष्ट्रको जिम्मा भएकाले सुरक्षाको उच्च व्यवस्था गरिने पनि उनले बताए ।
भ्रमणले दुई देशको धार्मिक र सांस्कृतिक सम्बन्ध सुदृढ हुने दाबी पनि उनले गरे ।
नागरिक अभिनन्दन नरेन्द्र मोदी प्रधानमन्त्री ओली
