अब विज्ञानको युगलाई पनि पचाएर देशमा तीव्र गतिले विकास गर्छाैँः प्रचण्ड
काठमाडाैं । नवगठित नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले देशमा नयाँ इतिहास सुरु भएको बताएका छन् ।
नेकपाको कार्यालय पेरिसडाँडाको अवलोकनपछि आयोजित कार्यक्रममा उनले अब विज्ञानको युगलाई पनि पचाएर देशलाई नयाँ तरिकाले तीव्र गतिका साथ अघि बढाउने उद्घोष गरेका हुन् । अध्यक्ष प्रचण्डले पार्टी एकता कुनैपनि हालतमा टुट्न नदिने प्रतिबद्धता पनि व्यक्त गरे ।
अपराह्न धुम्बाराहीस्थित तत्कालीन एमालेको केन्द्रीय कार्यालयमा गएर पदभार सम्हालेपछि अध्यक्षद्वयसहित सचिवालय सदस्यहरु पेरिसडाँडा पुगेका थिए । सम्बोधन अघि पेरिसडाँडामा दुवै नेताले शहीदको शालिकमा माल्यार्पण समेत गरेका थिए ।
प्रचण्ड नेकपा
