धादिङको बेनिघाटमा ट्रक खस्यो, १ को मृत्यु, २ घाइते
धादिङ । पृथ्वी राजमार्ग अन्र्तगत धादिङको बेनिघाट रोराङ गाउँपालिका वडा नं १० मा रहेको हुग्दी खोलाको पुलबाट ट्रक खस्दा १ जनाको मृत्यु भएको छ।
दुर्घटनामा अन्य २ जना यात्रु घाइते भएका छन् । मृत्यु हुनेमा नवलपुर जिल्ला मध्यविन्दु नगरपालिका वडा नं १० बस्ने २३ वर्षीय शेर बहादुर सोमह मगर रहेका छन्।
काठमाण्डौबाट चितवनतर्फ जाँदै गरेको ना ५ ख १५६८ नं को ट्रक तीब्र गतिका कारण पुलबाट हुग्दी खोलामा खसेको बताइएको छ ।
दुर्घटनामा घाइते मध्यविन्दु १० का मनोज आले र अर्घाखाँचीको गंगा नगरपालिका घर भएका लेख बहादुर घर्ती घाइते भएका छन् । घाइतेहरुको राजमार्ग सामुदायिक अस्पतालमा प्राथमिक उपचार गरी थप उपचारको लागि काठमाडौँ पठाइएको जिल्ला ट्राफिक प्रहरी कार्यालय गजुरीले जानकारी दिएको छ ।
