काठमाडाैं । सेनाले निर्माण गरिरहेको द्रुत मार्गको प्रगति अनुगमनमा राजनीतिक नेतृत्व र निजामती कर्मचारीको उपस्थिति रहने गरी कार्यविधि परिवर्तन गरिएको छ ।

 

पुरानो कार्यविधिमा सेनाबाहेकको सहभागिता फितलो रहेको भन्दै सेना र रक्षा मन्त्रालयले तयार गरेको ‘काठमाडौं–तराई प्रवेशमार्ग सडक आयोजना सञ्चालन कार्यविधि २०७५’ आइतबार मन्त्रिपरिषद्ले स्वीकृत गरेको हो ।

 

अब रक्षामन्त्री संयोजक रहेको टोलीले सडक अनुगमन गर्नेछ । टोलीमा निर्माणसँग सम्बन्धित मन्त्रालयका प्रतिनिधि र प्रधानसेनापति रहनेछन् । निर्देशक समितिमा पनि निजामती कर्मचारीको सहभागिता बढाइने भएको छ । सेनाले चार वर्षभित्र द्रुतमार्ग बनाइसक्ने बताउँदै आएको छ । यसअघि चार वर्ष भनिएकोमा एक वर्ष थप भइसकेको छ ।
 

प्रधानमन्त्री केपी ओली आइतबार साँझ अचानक जंगी अड्डा पुगे । उनी त्यहाँ पुग्ने जानकारी पाएपछि रक्षा तथा उपप्रधानमन्त्री ईश्वर पोखरेल पनि जंगी अड्डा पुगेका थिए ।

 

सूचना निर्देशनालयले जंगी अड्डामा प्रधानमन्त्री र रक्षामन्त्रीको आगमन भएको स्विकारे पनि अन्य विषयमा अनभिज्ञता प्रकट गरेको छ । स्रोतले पृतनापति भेलापछिको अवस्थाबारे जानकारी दिन प्रधानमन्त्री र रक्षामन्त्रीलाई जंगी अड्डा निम्त्याइएको बताएको छ ।, आजको कान्तिपुरमा यो खबर छ । 

द्रुत मार्ग