निशा रुम्बाका ३ कविता
ढुङ्गा
त्रिशुलीको किनारमा बसेर
कविता लेख्न धेरै बेर घोरिएँ
धेरै बेर,
ढुङ्गाले ढुङ्गा हेरेँ अनि
फर्किएँ
माफ गर्नुहोस्
ढुङ्गाले कविता जन्माउनै सकेन ।
०००
अनुरोध
लुगाले छोपेको
मेरो नग्नता हेरेर
के पाउँछौ? ए महापुरुष !
सक्छौ भने आऊ
मेरो छालाले छोपेको नग्नता हेर ।
०००
सम्मान
नयाँ बजारमा
नयाँनयाँ खुलेको
नव–जीवन नाम गरेको क्लिनिकमा
एउटा नारी लुसुक्क पसिन्–
बेड नं. ९ मा गई
नराम्रो नमानी नमानी
नानीको गर्वपतन गराइन्
त्यो पनि सुरक्षित !
०००
कविता निशा रुम्बा
