तस्करीको क्रममा ३ जना पक्राउ
काठमाडौं । महानगरिय प्रहरी प्रभाग नयाँ बसपार्कबाट खटिएको प्रहरी टोलीले टोखा नगरपालीका – ९ बाट दुर्लभ रेडपाण्डाको छाला थान १ सहित ३ जनालाई पक्राउ गरेको छ ।
रेड पाण्डाको छाला लुकाई तस्करी हुदै छ भन्ने सुचनाको आधारमा उक्त स्थानमा महानगरिय प्रहरी प्रभाग नयाँ बसपार्कबाट प्रहरि निरिक्षक मोहन विक्रम केसीको टोलीले उक्त छाला सहित तस्करीमा संलग्नहरुलाइ पक्राउ गरेको हो ।
काठमाडौको टोखा नगरपालिका –९ मा रहेको लक्ष्मी नगरमा रहेको दुर्गा गेष्ट हाउसबाट रेडपाण्डाको छाला सहित तीन जान प्रक्राउ गरेको प्रहरी निरिक्षक केसीले जानकारी दिए ।
पक्राउ पर्नेमा जिल्ला नुवाकोट तादी गा.पा. वडा नं. –२ स्थायी घर भई हाल का.जि टोखा न.पा.–३ भत्केको पुल बस्ने बर्ष २२ को सेरामान तामाङ, ऐ.ऐ–४ स्थायी घर भई हाल का.जि. मनमैजु बस्ने बर्ष २० को राज कुमार तामाङ र ऐ.ऐ घर भएका बर्ष २४ को प्रेम बहादुर तामाङ रहेका छन् । उनिहरुलाई थप अनुसन्धानको लागि प्रभागमा ल्याईएको र अनुसन्धान कार्य जारी रहेको प्रहरीले जनाएको छ ।
