काठमाडौं । साझा प्रकाशनका अवकाशप्राप्त १२८ कर्मचारीले सम्झौताबमोजिमको रकम नपाएपछि उनीहरु आन्दोलित भएका छन् । कर्मचारीहरुले पाउनु पर्ने उपदानको रकम दुई भाका नाघिसक्दा पनि नपाएपछि हरेक दिन साझा प्रकाशनमा कर्मचारीहरुको धर्ना, नारावाजी भइरहेको छ । उनीहरुले अध्यक्ष डोलिन्द्रप्रसाद शर्मा असक्षम भएको दाबी गर्दै हटाउनु पर्ने धारणा राखेका छन् । नाराबाजीका क्रममा उनीहरुले ‘असक्षमलाई हटाउछौं, साझा हामी बचाउछौं’, ‘कर्मचारीले के भन्छन् ? राजीनामा ले भन्छन्’ जस्ता नारा लगाएका छन् । 

 

 

भ्रष्ट आचरणकी भनेर बद्नाम चित्रलेखा यादव शिक्षामन्त्री हुँदा डोलिन्द्र साझाको महाप्रबन्धक बनेका थिए । आफूलाई काम लाग्ने नेताहरुको चाकडी  र चाप्लुसीको बलमा डोलिन्द्रले सो पदमा अझै टासिरहेका छन् । अतिचार नै गर्न थालेपछि अघिल्लो सरकारले पदबाट बर्खास्त गरेको थियो । डोलिन्द्रकै अनसार  अदालतमा पाँच लाख रुपैयाँ बुझाएर पद थमौति पाएका उनको साझाले जस्तै काम गर्ने आफ्नै पब्लिकेशन हाउस पनि छ । 

 

कर्मचारी बढी भए भन्दै साझाका सबैजसो कर्मचारीलाई उनले गोल्डेन हेन्डसेक दिने भनेर हटाएका थिए । अर्कोतिर नेताका छोराछोरी, आफन्त, प्रेमिका आदिलाई भर्ति गरेर साझालाई राजनीतिक भर्ति केन्द्रको रुपमा परिवर्तन गरेको आरोप पनि उनैलाई लाग्दै आएको छ । हटाइएका कर्मचारीहरुले विगतमा भएको सम्झौताअनुरुपको रकम पाउनु पर्ने माग राख्दै आएका छन् । 

 

डोलिन्द्रले अवकाशप्राप्त कर्मचारीलाई दिन सरकारसँग लिएको पैसा पनि अन्यत्र खर्च गरेको कर्मचारीहरुको आरोप छ ।  
 

र यो पनि,

► डोलिन्द्रको पदावधि सकियो, लिसो झै टाँसिरहेका छन् साझामा (भिडियाेसहित)

► डोलिन्द्रले नेता र मन्त्रीका आफन्त पोस्न साझा दुरुपयोग गरे (भिडियाेसहित)

►  साझाको जवाफः ‘साझाको गाडीमा डोलिन्द्रकी प्रेमिका ओसारेको छैन’

► साझा प्रकाशनका गाडीः चित्रलेखाको घरमा पिज्जा पुर्‍याउनदेखि प्रेमिका ओसार्नसम्म

► साझाका अध्यक्ष शर्माकाे चमत्कारः पुर्ख्याैली पाखाे बारी, अहिले सम्पत्ति सहरभरी

► ‘प्रधानन्यायाधीशलाई पाँच लाख बुझाएर पद जोगाएँ’

► भगौडा असई रहेछन् साझाका अध्यक्ष डोलिन्द्र, सम्बन्ध नेतादेखि युवतीसम्म !