कैलाली । कैलालीको लम्की चुहा नगरपालिका-६ गुलरामा माईक्रोबसको ठक्करबाट एक जनाको मृत्यु भएको छ ।  नेपालगञ्जबाट धनगढी जादै गरेको भे १ ज ६८१ नम्बरको माईक्रोबसको ठक्करबाट लम्की चुहा ७ एकलघरुवा बस्ने साईकल यात्री एक वृद्धको मृत्यु भएको ईलाका प्रहरी कार्यालय लम्कीले जनाएको छ । मृतकको पहिचान हुन सकेको छैन । दुर्घटनामा ११ जना घाईते भएका छन् ।

 

 घाईते हुनेमा ठाकुरबाबा बर्दियाकी सीता थापा, कैलाली गाउवपालिका ८ कैलालीका यमुना गौतम,र उनका श्रीमान टंक बाेहरा, हसुलियाका रविता चौधरी, उनकी ३ वर्षिया छोरी श्रेया चौधरी, नेउपलापुर बर्दियाका महाविर थारु, ठाकुरवावा वर्दियाका झुमा खड्का, ताराताल बर्दियाकी नन्दकला सुनार, पर्शुराम नगरपालिका डडेल्धुराका मोती भट्टराई, धनगढी उपमहानगरपालिका रतिपुरकी समिक्षा मल्ल र पवित्रा सुनार रहेका छन् । 

 

घाईतेहरुको लम्की स्थित लालरत्न अस्पताल र शिलत मेडिकल हलमा उपचार भईरहेको छ । साईकललाई बचाउने क्रममा गाडि अनियन्त्रित भई सडक छेउमा रहेको विद्युत को पोलमा ठोक्किएर सडकमा पल्टिएको ईलाका प्रहरी कार्यालय लम्कीका प्रमुख सुरेन्द्र जोशीले जानकारी दिए ।

कैलाली लम्की चुहा नगरपालिका