काठमाडौं । काठमाडौंको गोकर्णेश्वरस्थित बागमती नहरमा पौडी खेल्ने क्रममा एक युवा बेपत्ता भएका छन् । सिन्धुपाल्चोक घर भई हाल गोकर्णेश्वर नगरपालिका, ९ बस्दै आएका २३ वर्षीय बबिन तामाङ्ग बेपत्ता भएको महानगरीय प्रहरी प्रभाग गोकर्णेश्वरका सई अर्जुन गिरीले बताए ।

 

उनी पौडी खेल्दै बाहिर निस्कदै गर्ने क्रममा अन्तिम पटक बाहिर निस्कन नसकेपछि प्रत्यक्षदर्शीले प्रहरीलाइ खबर गरेका थिए । किनारमा रहेको कपडा र चप्पलको आधारमा संगीता लामाले आफ्नो छोरा बबिन भएको बताएकी छन् ।

 

लामाको भनाईलाई आधार मान्दै प्रहरीले हराउने बबिन भनेर जानकारी गराएको छ । बेपत्ता तामाङ्गलाई नेपाल प्रहरी र सेनाको टोलीले खोजी कार्य जारी राखेका छन् ।
 

गोकर्णेश्वरस्थित बागमती पौडी खेल्ने क्रममा एक युवा बेपत्ता