केटीले तपाईंलाई मन पराएको कसरी थाहा पाउने ? यस्ताे छ उपाय
एजेन्सी : केटीलाई घुरेर हेर्ने मात्र होइन, आँखा झिम्क्याउन, जिब्रो पड्काउनसम्म पछि पर्दैनन्। उस्तैले त ‘आई लभ यू’ नै भनिदिन्छन्। तर, केटीहरुको हकमा यो लागू हुँदैन। केटीहरु स्वभावैले लजालु हुने भएकाले केटाहरुलाई जिस्क्याउने त आँटै गर्दैनन्। बाटो हिँडिरहेको कुनै पुरुष मन पर्यो भने उनीहरु खुलेर व्यक्त गर्न सक्दैनन्। चोरी-चोरी हेर्छन्। त्यसैले उक्त पुरुषले थाहै पाउँदैन कि कुन केटीले उसलाई मन पराइरहेकी छिन्।
तथापि, यस्ता केही संकेतहरु छन्, जसको मद्दतले सजिलै थाहा पाउन सकिन्छ कि कुनै केटीले तपाईंलाई मन पराइरहेकी त छैन ?
हाँस्नु/मुस्कुराउनु :- कुनै केटीले एउटा पुरुषलाई देखेर हाँस्ने वा मुस्कुराउने गर्छिन् भने त्यसलाई सामान्य मात्रै सोच्नु हुँदैन। ती यसले पुरुषप्रति युवती विशेषरुपमा आकषिर्त छिन् भन्ने संकेत गर्छ। कुनै पनि केटीले कुनै पुरुषलाई देखेर संकेत दिनुपरे उनीहरु प्रायः मुस्कानलाई नै हतियार बनाउने गर्छन्। यसरी मुस्कुराउँदा सिधै तपाइलाई नहेरेर अन्यत्र हेरेजस्तो गर्छिन्। त्यसैले, अब तपाईं पनि यो कुरा याद गर्नुस।
कर्के नजरले हेर्नु :- कुनै पनि युवतीले आकर्षक पुरुष देखिन् भने सिधै घुरेर हेर्न सक्दिनन्। उनी कर्के नजरले हेर्न थाल्छिन्। र, पुरुषले देखिहालेमा नजर अन्तै घुमाउँछिन्। यूवतीहरु यो क्रियाकलाप बारम्बार गर्ने गर्छन्। त्यस क्रममा उनीहरु कयौपटक आँखामा आँखा जुधाउने कोशिश पनि गर्छन्, तर सक्दैनन्।
लुकी-लुकी हेर्नु :- जब कुनै युवती युवकप्रति आकषिर्क हुन्छिन्, उनी आफूले मन पराएको पुरुषलाई साथीको पछाडी बसेर लुकीलुकी हेर्ने गर्छिन्। ताकि उनीहरुले हेरेको तपाईंलाई नोटिस नहोस्। यसो गर्नुको एउटै मात्र कारण भनेको तपाई के गर्दै हुनुहुन्छ भनेर सुटुक्क थाहा पाउनु हो।
प्रत्येक गतिविधि याद राख्नु :- यदी कुनै केटी तपाईका स-साना गतिविधि पनि याद राख्छन् भने बुझ्नुस् की उनको तपाइप्रति रुची छ। उनले तपाईलाई साच्चिकै मन पराउँछिन् र तपाईलाई बारम्बार हेर्ने गर्छिन्। त्यति मात्र हैन, उसले तपाईको बारेमा आफ्ना साथीभाईलाई समेत पक्कै बताउँछिन्। जसले गर्दा तपाईलाई केटीले मात्र हैन, उनका साथीहरुले पनि नोटिस गर्न थाल्छन्।
बोल्दा अनुहार रातो हुनु :- यदि कुनै केटी तपाईंसँग बोल्दा हड्बडाउँछिन्, नर्भस हुन्छिन् भने जान्नुस उनको मनमा हलचल मच्चिइहेको छ। उनले तपाईंलाई मन पराइरहेकी छन् भने यस्तो हुन्छ। यस्तो बेला उनको अनुहार रातो भएको हुन्छ र उनले तपाईंसँग आँखा जुधाएर बोल्न सक्दिनन्।
