ललितपुर । मन्त्रीमण्डल हेरफेर तथा समसामयिक विषयबारे नेकपा अध्यक्ष पुष्पकमल दाहाल प्रचण्ड र पूर्वप्रधानमन्त्री माधब नेपालबीच प्रचण्ड निवास खुमलटारमा भेटवार्ता भएको छ । प्रधानमन्त्री केपी ओली मन्त्रिमण्डल पुनर्गठनको तयारीमा जुटिरहँदा प्रचण्ड र नेपालबीच भेटघाट भएको हो ।

छलफलका लागि सोमबार बिहान नेकपाका बरिष्ठ नेता माधवकुमार नेपाल, प्रवक्ता नारायणकाजी श्रेष्ठ, उर्जामन्त्री वर्षमान पुन र भौतिक पूर्वाधार तथा यातायात मन्त्री रघुविर महासेठलगायतका नेताहरु उपस्थित थिए ।

भेटवार्तामा सुरुङमार्ग, हाइड्रो पावर लगात विषयमा छलफल भएको भनिए पनि मन्त्रिमण्डल पुनर्गठनमा सम्भावित नयाँ मन्त्रीको विषयमा छलफल केन्द्रित रहेको जनाइएको छ ।