ललितपुर । नेपाली कांग्रेसको केन्द्रीय समितिको बैठक लगातार तेस्रो पटक बस्दै नबसी स्थगित भएको छ । आज दिउसो एक वजेका लागि बोलाएको केन्द्रीय समितिको बैठक पुस १० गतेसम्मका लागि स्थगित गरिएको छ ।

मंसिर २६ गते बोलाइएको केन्द्रीय समितिको बैठमा १४ औं महाधिवेशनको कार्यतालिका ल्याउनुपर्ने माग गर्दै वरिष्ठ नेता रामचन्द्र पौडेल पक्षले बहिष्कार गर्दै आएको छ ।

पौडेल पक्षको बहिष्कारपछि गत सोमवार र बुधवार केन्द्रीय समिति बैठक बस्दै नबसी स्थागित भएको थियो । महाधिवेशनको कार्यतालिका, भ्रातृ संगठन तथा विभाग गठनका बिषयमा सहमतिको प्रयास जारी रहेकाले बैठक स्थागित गरिएको केन्द्रीय कार्यालयले जनाएको छ ।