नेपाली कांग्रेसमा महासमिति बैठकका निर्णय नै उल्ट्याउने प्रयास भएपछि केन्द्रीय समिति बैठक नै प्रभावित भएको छ । 

 

पार्टी पदाधिकारी र केन्द्रीय सदस्यहरु वडाबाटै चुनिएर आउनुपर्ने तथा एक जनाले एकपटक मात्रै आरक्षण पाउने महासमितिको सुझाव उल्ट्याउन खोजिएपछि बिहीबारका लागि बोलाइको केन्द्रीय समिति बैठक बस्न सकेन । 

 

खासगरी सभापति शेरबहादुर देउवा र वरिष्ठ नेता रामचन्द्र पौडेल समूहले महासमिति बैठकको सुझाव बिधानमा राख्न आनाकानी गरेका हुन् । केही युवा केन्द्रीय सदस्यसहित कृष्ण सिटौला पक्षले महासमितिको सुझाव लत्याउन नसकिने अडान लिएपछि बिहीबार बैठक नै बस्न सकेन । अहिले शीर्ष नेताहरुले केन्द्रीय समितिमा विवाद देखाउनु भन्दा सहमतिमा बिधान पारित गर्ने तयारी गरेका छन् । 

 

कांग्रेस केन्द्रीय कार्यसमितिको अर्को बैठक फागुन १२ गते बिहान ११ वजेका लागि बोलाइएको छ । 
 

नेपाली काँग्रेस