काठमाडौं : कांग्रेस सभापति शेरबहादुर देउवाले संघीयता कार्यान्वयन र स्थानीय तहमा कांग्रेस जनप्रतिनिधिको भूमिकाबारे आफ्नै पत्नीबाट प्रश्नको सामना गर्नुपरेको छ । कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले बिहीबार काठमाडौंमा गरेको संघीयता कार्यान्वयनको चुनौतीसम्बन्धी विशेष अन्तरक्रियामा देउवापत्नी आरजुले संविधान लेख्ने वेलामा गरिएको प्रतिबद्धता अहिलेको संघीयताले पूरा नगरेको बताइन् । 

अन्तरक्रियामा फ्लोरबाट गुनासो र सुझाब सुनाउने क्रममा आरजुले मञ्चमा रहेका देउवासँग जनतालाई संघीयता बुझाउन नसकिएको गुनासो गरिन् । ‘संविधान लेख्ने वेलाको आश्वासन र अहिलेको व्यवहारका बीचको विभेद सेयर गर्न मन लाग्यो,’ उनले भनिन्, ‘हामीले नागरिकलाई शासन, प्रशासन र साधनस्रोतमा पहुँच पु¥याउँछौँ भन्दै भोट हाल्न लगायौँ । तर, हाम्रै पार्टीबाट जितेर स्थानीय तहमा आएकाले पनि सुशासन दिन, स्रोतको परिचालन गर्नमा के गरेका छौँ रु’ 

पार्टीले जनतालाई संघीयता बुझाउन नसकेको भन्दै उनले प्रश्न गरिन्, ‘समावेशिताअनुसार महिला, आदिवासी, दलितसहितको प्रतिनिधित्व सबै ठाउँमा कहिले गराउँछौँ ?’ सरकारले ल्याएको बजेट संघीयताविरुद्ध भएको भन्दै कांग्रेसले यसविरुद्ध जनस्तरसम्मै भन्डाफोरको कार्यक्रम गर्नुपर्ने सुझाब पनि दिइन् । 

आरजु देउवा शेरबहादुर देउवा