गुठी विधेयक पारित हुन नदिने देउवाको प्रतिबद्धता
हेटौँडा । नेपाली कांग्रेसका सभापति शेरबहादुर देउवाले सरकारले संसदमा दर्ता गरेको गुठी सम्बन्धी विधेयक कुनै पनि हालतमा पारित हुन नदिने बताउनुभएको छ ।
हेटौंडामा नेपाल साँस्कृतिक संघको प्रशिक्षण भेलालाई आज हेटौँडामा सम्बोधन गर्दै देउवाले दुई तिहाइको दम्भमा सरकार अघि बढिरहेको भन्दै धेरै कुरामा बन्देज लगाउन खोजे कांग्रेस चुप नबस्ने चेतावनी दिनुभयो । गुठी नेपालको साँस्कृतिक सभ्यता भएको बताउँदै देउवाले कांग्रेस जनताको पक्षमा लाग्ने बताउनुभयो ।
मुलुकमा देखिएका असमानता, दण्डहीनता, भ्रष्टाचारले नेपाललाई पछि धकेल्दै लगेको तथा कानुनी राज्यको महशुस गराउन सरकार सफल नभएको दउवाले तर्क गर्नुभयो ।
