विवाह मण्डपमै पब्जीमा व्यस्त बेहुला, भिडियो भाइरल
पब्जी गेमका बारेमा विभिन्न किसिमका समाचार सार्वजनिक भएका छन् । यही गेमका कारण विभिन्न घटना घटेका भन्दै कतिपय देशमा त यो गेम प्रतिबन्ध नै लगाइएका समाचार पनि आएका छन् ।
युवा कतिसम्म ‘क्रेजी’ हुन्छन् भन्ने कुरा एउटा नयाँ भिडियो हेरियो भने थाहा पाइन्छ । जुन भिडियो अहिले टीकटकमा भाइरल नै बनाइएको छ ।
बेहुलीको साथमा जग्गेमा बसिरहेको एक युवकले आफ्नो मोबाइल फोनमा पब्जी खेलिरहेका छन् । फूलमाला र नयाँ कपडामा बेहुलीको साथमा जग्गेमा बसिरहेको युवक पब्जी खेलिरहँदा बेहुली भने उसैतर्फ हेरेर मौन छन् ।
उक्त भिडियो झण्डै ५ लाख दर्शकले हेरिसकेको देखिन्छ । सामाजिक संजालमा भाइरल बनेको उक्त भिडियो खासगरी टीकटकमा चर्चित छ । फेसबुक र ट्वीटरमा पनि उक्त भिडियोलाई लिएर व्यंग्य गरिएको छ । एजेन्सी
पब्जी
