नेकपाले छाड्यो जबज, मूल कार्यदिशा जनताको जनवाद
काठमाडौं । नेपाल कम्युनिस्ट पार्टी (नेकपा)का अध्यक्षद्वयले पार्टीको मूल कार्यदिशा जनताको जनवाद भएको बताएका छन्।
पार्टीको कार्यदिशाबारे विवाद भइरहेका बेला अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले एउटै मञ्चबाट अब जनताको जनवादमा जाने बताएका हुन्। तत्कालीन एमालेले अंगीकार गर्दै आएको जनताको बहुदलीय जनवाद (जबज) र माओवादी केन्द्रको एक्काइसौं शताब्दीको जनवाद दुवैलाई छोड्दै नेकपाले जनताको जनवाद कार्यदिशा बनाएको छ।
अध्यक्षद्वयले जबजको सारतत्व र विशेषतालाई आधार मानेर पार्टीको कार्यदिशा जनताको जनवाद अंगीकार गरिएको बताए। मदन भण्डारीको ६८ औं जन्मजयन्तीका अवसरमा मदन भण्डारी फाउन्डेसनद्वारा शनिबार राजधानीमा अयोजित कार्यक्रममा ओली र दाहालले समाजवादसम्म पुग्ने लक्ष्य जबजकै हो तर त्यसको नाम जनताको जनवाद राखिएको बताए। यो खबर आजको नागरिक दैनिकबाट लिइएको हो।
नेकपा
