काठमाडौं । उपराष्ट्रपति नन्दबहादुर पुनको कोरोना परीक्षण नतिजा नेगेटिभ आएको छ । उपराष्ट्रपति कार्यालयमा उपराष्ट्रपति पुनसहित ६४ जनाको पीसीआर टेष्ट गरिएकोमा सबै नतिजा नेगेटिभ आएको हो ।

सरकारको नीति तथा कार्यक्रममा सहभागी हुँदा पीसीआर परीक्षण रिपोर्ट देखाउनुपर्ने अनिवार्य गरिएकाले उपराष्ट्रपति कार्यालयमा रहेकाहरुको कोरोना परीक्षण गरिएको थियो ।काठमाडौं उपत्यकामा कोरोना भाइरसको संक्रमण देखिएसँगै शुक्रराज ट्रफिकल तथा सरुवा रोग अस्पताल टेकुमा कोरोना परीक्षण गराउनेको चाप बढेको छ ।

औषत दैनिक दुई सयको हाराहारी मानिसको कोराना परीक्षण गरिदै आएकोमा काठमाडौं उपत्यमामा ४ जनामा कोरोना भाइरसको संक्रमण देखिएसँगै परीक्षण गराउन अस्पताल पुग्नेको संख्या ५ सय नाघेको छ ।

अहिले औषत ५ सय मानिस कोरोना परीक्षणका लागि सरुवा रोग अस्पताल टेकु पुग्ने गरेको अस्पतालका निर्देशक डा.सागर राजभण्डारीले जानकारी दिए । घरधनीको दबाबमा समेत मानिसहरु कोरोना परीक्षणका लागि अस्पतालसम्म आइपुगेको उनले जानकारी दिए ।