ओली सरकार विरुद्ध अविश्वासको प्रस्ताव पारित भएको अवस्थामा पनि हटाउन सजिलो नहुने
काठमाडौं । जनता समाजवादी पार्टीका अध्यक्ष महन्थ ठाकुरले प्रधानमन्त्री केपी शर्मा ओली नेतृत्वको सरकारसंग अहिले पनि बहुमत रहेको बताएका छन् । हिमालयन टिभीबाट प्रसारण हुने यक्ष प्रश्न कार्यक्रममा बुधवार सांझ बोल्दै नेता ठाकुरले प्रधानमन्त्रीको ओली नेतृत्वको सरकार अहिले पनि बहुमतमा रहेको र आफुहरुका माग पुरा गर्ने विषयमासकरँत्मक रहेको बताए । उनले आफ्नो माग पुरा गर्न सरकारले प्रक्रिया अघि बढाइसकेको भन्दै चांडै माग पुरा हुने दावी गरे ।
जसपा अध्यक्ष ठाकुरले प्रधानमन्त्री ओली नेतृत्वको सरकार विरुद्ध अविश्वासको प्रस्ताव पारित भएको अवस्थामा समेत उनलाई हटाउन सजिलो नभएको बताए । ‘उहां अहिले पनि बहुमत प्राप्त प्रधानमन्त्री हो । भोली उहांको विरुद्धमा अविश्वासको प्रस्ताव पारित भयो भने ओलीजी चुप लाग्नुहुन्न जस्तो लाग्छ । किनभने उहां निर्वाचित प्रधानमन्त्री र पार्टी अध्यक्ष हुनुहुन्छ ।’ ठाकुरले भने ।
ओलीविरुद्ध बहमुत पुग्ने र नयां सरकार बन्ने अवस्था भएपनि कांग्रेसको पालामा जस्तो एमालेले संसद चल्न नदिने अवस्था आउन सक्ने उनले दावी गरे ।
नेता ठाकुरले प्रधानमन्त्रीले सधैजस्तो आवश्यकता र औचित्यका आधारमा संविधान संशोधन हुने बताउंदै आएको भन्दै अहिले आएर प्रधानमन्त्रीले त्यो समय महसुस गरेको बताए ।
वर्तमान राजनीतिक संकट संविधानमा रहेको त्रुटिको कारण आएको ठाकुरको दावी छ ।
उनले देशमा अव निर्वाचनको विकल्प नभएको समेत बताए । ‘सवैको बीचमा सहमती भयो भने चुनाव नै उत्तम विकल्प हो, चुनाव आयो भने सवैको लम्बाई चौडाई पनि थाहा हुन्छ ।’ अध्यक्ष ठाकुरले भने ।
उनले प्रधानमन्त्री ओलीकै नेतृत्वमा चुनाव हुन सक्ने संकेत समेत गरे । सर्वोच्च अदालतका तत्कालिन प्रधानन्यायाधीशको नेतृत्वमा चुनाव गराउंदा कांग्रेस एमालले विरोध जनाएको तर अन्तिममा उनकै नेतृत्वमा देश चुनावमा गएको प्रशंग निकाल्दै नेता ठाकुरले त्यतिवेला गैरराजनीतिक मान्छे नखोजौ भन्ने सवाल उठेको समेत बताए । उनले अहिले त्यो सम्भावना नभएको समेत दावी गरे ।
