असोज–१५ । बोर्डोलोइ ट्रफी अन्तर्गत भारतको गुवाहिटीमा शुक्रबार राति भएको फाइनलमा नेपाली रुस्लान थ्री स्टार क्लब विजयी भएको छ । प्रतियोगिताकै बलियो टिम मानिएको भारतको चर्चित क्लब इस्ट बंगाललाई २–१ ले हराउँदै च्याम्पियन बनेको हो । निर्धारित समय १–१ गोलमा रोकिएपछि खेलमा अतिरिक्त समय थपिएको थियो । थप समयको ९औँ मिनेटमा विमल घर्तीमगरले गोल गर्दै टिमलाई अग्रता दिलाएर जित निकाले ।

बोर्डोलोइ ट्रफीको ६४औँ संस्करणमा थ्री स्टारले उपाधिसहित १६ लाख रुपैयाँ प्राप्त गरेको छ । म्यान अफ द म्याच विमल घर्ती घोषित भए ।