असोज–१५ । शनिबार एभरेष्ट प्रिमियर लिग इपिएल क्रिकेटमा महत्वपूर्ण खेल हुँदैछ ।

कलर्स एक्स फ्याक्टर्स र विशाल वारियर्सको खेलमा विजेता फाइनल पुग्ने भएकाले यो खेल दुवै टिमका लागि महत्वपूर्ण छ । ४ मध्ये ३ खेल जितेको कलर्स अंक तालिकाको दोश्रो स्थानमा छ भने एक अंक कम भएको विशाल तेश्रो स्थानमा छ । कलर्सले जगदम्बा राइरोनजलाई शुक्रबार हराउँदै फाइनल यात्राको सम्भावना बलियो बनाएको छ भने विशाल पञ्चकन्या तेजसँग हारेपछि खेल जित्नैपर्ने भएको छ ।

अंक तालिकामा यो खेल दिउँसो सवा १ बजे कीर्तिपुर मैदानमा शुरु हुनेछ । शनिबारको पहिलो खेलमा जगदम्बा राइनोज र सगरमाथा लिजेण्ड्स खेल्दैछन् । अहिलेसम्म कुनैपनि खेल जित्न नसकेको सगरमाथा अंक तालिकाको पुछारमा छ भने जगदम्बा त्यो भन्दा एक पाइला माथि छ ।