कात्तिक – ३ । जारी च्याम्पियन्स लिगको समूह जीमा रहेको लिसेस्टरले मंगलबार राति भएको खेलमा एफसी कोपनहेगनलाई १–० को अन्तरले हराउँदै समूह चरणमा लगातार तेस्रो जित दर्ता गरेको छ । ४० औं मिनेटमा रियाद महरेजले गरेको गोल नै लिसेस्टरको जितमा निर्णायक बन्यो । यसका साथै पहिलो पटक च्याम्पियन्स लिग खेलिरहेको इंग्लिस प्रिमियर लिग च्याम्पियन लिसेस्टर सिटी अन्तिम १६ मा पुगेको छ । लिसेस्टरले च्याम्पियन्स लिगका तीन खेलमा भएको पाँच गोलमा महरेजको चार गोलमा सहभागी रहेकोे छ । तीन खेलबाट ९ अंक जोडेको लिसेस्टर समूहको शीर्ष स्थानमा छ । अबको एक खेलमा जित हात पारेमा लिसेस्टर सिटीले अन्तिम १६ मा आफ्नो स्थान पक्का गर्ने छ । यसअघि भएका खेलमा लिसेस्टरले क्लब ब्रुगलाई ३–० तथा एफसी पोर्टोलाई १–० ले हराएको थियो ।

lisester city