अाफ्नै फ्यानका कारण अभिनेता सौगात मल्ल तनावमा
मनोरञ्जन
कात्तिक – १६ । अभिनेता सौगात मल्ल यति बेला फरकखाले तनाव झेलिरहेका छन् । अभिनयमा दत्तचित्त लाग्न रुचाउने उनी सोनी केसी नाम गरेकी एक युवतीसँग नाम जोडिएर अनावश्यक चर्चामा छन् । मोडलिङ गर्न रुचि राख्ने सोनीले यति बेला सौगातसँग एकोहोरो प्रेममा परेको आशयका स्टाटस र सँगै बसेका फोटोहरू आफ्नो फेसबुकमा साझेदार गर्न थालेपछि अभिनेता तनावग्रस्त बनेका कान्तिपुरले उल्लेख गरेको छ । फोनबाटै सौगात र सोनीको भेट भएको थियो । उनले सुनाए, ‘उनले बेलाबेलामा मलाई फोन गर्थिन्, फरकफरक नम्बरबाट । एकदम सिम्पल खालकी राम्रै फ्यान रहिछन् भन्ने लाग्यो । कुरा गराइ पनि सिम्पल र राम्रो लागेपछि ठिकै छ भन्ने लागेको थियो ।’ तर करिब दुई महिनाको बुझाइमा सौगातले सोनीको क्रियाकलाप र आचरण आफूअनुकूल पाएनन् । ‘सबैलाई सँगै बस्छौं, खान्छौं भन्दै हिँड्ने गर्दी रहिछन् । फेसबुकमा फोटो, स्टाटस लेख्दै हिँड्ने गरेपछि मैले फोन गर्दा नउठाउने गर्न थालिन् ।’
दुई पटक मात्रै सोनी बस्दै आएको अपार्टमेन्ट पुगेको बताउने सौगात त्यहाँ जाँदा खिचेका तस्बिर नै यति बेला सोनीले फेसबुकमा हालेको बताउँछन् । के कारण सोनी सौगातसँग नाम जोड्न चाहन्छिन् त रु सौगात जवाफमा भन्छन्, ‘खासमा उनी मेरो नामसँग जोडिएर चर्चामा आउन खोजेको हो कि जस्तो लाग्न थाल्यो । त्यसपछि बोलिनँ ।’ अन्तर्मुखी स्वभावका सौगात चिनजानकै साथिभाइसँग पनि कमै बोल्छन् । यस्तोमा केटीसँग नाम जोडिएर आएपछि उनी विचलित भएका हुन् । ‘यस्तो कुरा मलाई गर्न पनि दिक्क लाग्छ,’ अभिनेताले कान्तिपुरसँग दुखेसो पोखे, ‘जति बोलूँ, फिल्ममै बोलूँ जस्तो लाग्छ । नत्र मलाई खासै बोल्न राम्रो लाग्दैन । त्यसकारण यस्तो कुरामा म जानै चाहन्नथें । तर यो कुरा त अहिले सिरियस हुँदै आयो ।’ यतिबेला सौगातको नाम पूर्व मिस नेपाल सृष्टि श्रेष्ठसँग जोडिएर आएको छ । ‘गाजलु’ फिल्मबाट नायिका बनेकी सृष्टिले सौगातसँगै ‘लालपुर्जा’ मा पनि अभिनय गरेकी छन् । मिडियामा दुईबीच प्रेम सम्बन्ध रहेको खबर आउन थालेपछि भने सोनी सृष्टिमाथि जाइलाग्न थालेकी हुन् । सौगातका अनुसार सोनीले पछिल्लो समय सृष्टिलाई मार्ने, एसिड छ्याप्ने लगायतका धम्की दिन र अश्लील गालीगलौज गर्न थालेपछि घटनाक्रमले सिरियस मोड लिएको बताउँछन् । Saugat Malla
‘उनले बेलाबेलामा मलाई फोन गर्थिन्, फरकफरक नम्बरबाट । एकदम सिम्पल खालकी राम्रै फ्यान रहिछन् भन्ने लाग्यो । कुरा गराइ पनि सिम्पल र राम्रो लागेपछि ठिकै छ भन्ने लागेको थियो ।’
