एजेन्सी — एम.के फिल्मस प्रालीको ब्यानरमा चलचित्र हैरानको निर्माण घोषणा गरिएको छ । उक्त चलचित्रलाई विश्वकै कान्छा निर्देशक सौगात बिष्टले निर्देशन गर्न लागेका हुन् । सौगातले विश्वकै कान्छा निर्देशक भनेर दुई वर्ष अघि गिनिज बुक अफ वल्र्ड रेकर्डमा नाम लेखाएका थिए । यो भन्दा पहिला पनि उनले ‘लभ यू बाबा’ नामको चलचित्र निर्माण गरिसकेका छन् ।

सौगातको निर्देशनमा बन्न लागेको उक्त चलचित्रमा गजित बिष्ट, निश्मा घिमिरे, सत्य राज आचार्य, सलोन बस्नेत, निर्मल शर्मा लगायतका कलाकारहरुको अभिनय रहने बताइएको छ ।

आम मानिसले वास्ताविक जीवनलाई लिएर भोग्नुपर्ने भोगाइलाई चलचित्रले मूल विषयवस्तु बनाएको छ । सौगातका अनुसार पहिलाको चलचित्र भन्दा यसमा बढि मसाला मिसाइएको छ । चलचित्रबाट भरपूर मनोरञ्जन प्रदान गर्ने सौगातको अठोट रहेको छ ।

सौगातको पहिलो चलचित्र लभ यू बाबाले आर्थिक रुपमा त्यति सफलता हासिल नगरे पनि दुईवटा अवार्ड भने हात पार्न सफल भएको थियो ।