कात्तिक – २१ । मलेसियामा भइरहेको एएफसी सोलिडारिटी कपको आफ्नो पहिलो खेलमा कुचिङस्थित सारावाक रङ्गशालमा नेपालले टिमोर लिस्टेसँग बराबरी खेलेको छ । मलेसियामा जारी प्रतियोगितामा नेपाली फुटबल टोलीले शनिबार आफ्नो पहिलो खेलमा टिमोर लिस्टेसग प्रतिस्पर्धा गरेको हो । केही मौकाहरु पाएपनि नेपालले गोलमा परिवर्तन गर्न नसक्दा कमजोर प्रतिद्वन्द्वी मानिएको टिमोर लेस्टेसँग बराबरी खेलेको थियो । तर त्यसको बाबजुद नेपालको सेमिफाइलमा पुग्ने सम्भावना भने कायमै रहेको छ । समूह ‘ए’ मा रहेको नेपालले अब मङ्गलबार दोस्रो खेलमा ब्रुनाईसँग खेल्दै छ । ब्रुनाईसँग ३ गोलको अन्तरमा पराजित भएको खण्डमा पनि नेपाल सेमिफाइनमा पुग्नेछ । उक्त समूहमा पाकिस्तान र बङ्गलादेशले प्रतियोगिताको अन्तिम समयमा नाम फिर्ता लिएपछि तीन टोली मात्र प्रतिस्पर्धामा सहभागि छन् । पहिलो खेलमा टिमोर लेस्टे ब्रुनाईसँग ४–० ले पराजित भइसकेको छ ।

nepal soladiraty cup