रणवीर भन्छन्, ‘यी दुई हिरोइनले गर्दा म बदनाम भएँ’
एजेन्सी — बलिउड अभिनेता रणवीर कपूर पनि बारम्बार प्रेम चक्करका कारण मिडियामा छाइरहन्छन् । कहिले दिपिका पादुकोणसँगको सम्बन्धको बारेमा त कहिले कट्रिना कैफ । एक न एक जनासँग उनको नाम जोडिने खबरले मिडियामा राम्रै स्थान पाइरहेका हुन्छन् ।
तर यसरी बारम्बार नायिकाहरुसँग प्रेममा परेर त्यसबारे बनेका समाचारले रणवीरले आफ्नो बदनाम भएको महशुस गरेका छन् । एक टिभी कार्यक्रममा उनले आफ्ना पूर्वप्रेमीकाद्वय दिपिका पादुकोण र कट्रिना कैफलाई लक्षित गरेर बयान गरेका छन् ।
रणवीरले दुई अभिनेत्रीसँग आफ्नो नाम जोडिएका कारण आफ्नो छवि प्ले ब्वाई तथा सिरियल डेटर बनेको खुलासा गरेका छन् । यो केही हदसम्म सत्य पनि भएको रणवीरको भनाइ छ ।
रणवीरले यसरी दुई अभिनेत्री भनेर तोकेपछि धेरैको इसारा दिपिका र कट्रिना माथि गएको छ । हालैरणवीर कपूर अभिनित फिल्म ‘ए दिल है मुश्किल’को प्रदर्शन जारी नै छ । फिल्मले बक्स अफिसमा पनि उल्लेखनीय कारोबार गरिरहेको छ ।
