हाम्रो आफ्नै शरीर पनि कति अचम्मको छ । हेर्दा सामान्य लाग्छ तर काम भने विचित्रको गरिरहेको हुन्छ । आफैँले सोच्दा पनि हात सोचेकै भरमा कसरी चल्छ जस्तो लाग्छ । तर यो भन्दा पनि अन्य पनि केही तथ्यहरु छन् जुन हामीलाई सायदै थाहा होला । १. भर्खर जन्मेको बच्चाका ३ सय वटा हड्डी हुन्छन् । उमेर बढ्दै जाँदा केही हड्डी आपसमा मिल्छन् । वयस्क हुँदासम्म मानिसमा २ सय ६ वटा हड्डी हुन्छन् । २. १० हजारजनामा १ जनाको आन्तरिक अंग सामान्यभन्दा उल्टो हुन्छ । ३. मानिसको तौलको १० प्रतिशत भाग ब्याक्टेरियाको हुन्छ । ४. १० प्रतिशत पुरुष र ८ प्रतिशत महिला बाँया हातवाला हुन्छन् । ५. मानिसको टाउकोको कपाल हरेक दिन ८० वटा झर्छन् । ६. दिमागमा ८० प्रतिशत पानी हुन्छ । ७. मधुमेहका कारण विश्वमा हरेक मिनेट ६ जनाको मृत्यु हुनेगर्छ । हरेक वर्ष ३२ लाख मानिसको मृत्यु मधुमेह र यससम्बन्धी कारणहरुले हुनेगर्छ । ८. जम्मा बडी फ्याटको महिलामा ४० प्रतिशत र पुरुषमा ३५ प्रतिशत नपुगेसम्म बडीफ्याट स्वास्थ्यका लागि हानिकारक हुँदैंन । ९. ब्रेकफास्टले दिनभरमा ५ प्रतिशतदेखि २० प्रतिशत क्यालोरी बर्न गर्न सहयोग गर्छ । १०. राता रक्तकोष २० सेकेण्डभर शरीरका सबै भागमा फैलन सक्छ । ११. बच्चा जन्मदाँ घुँडाको बाहिरी हड्डी हुँदैंन । २ देखि ६ वर्षको बीचमा बल्ल यो विकसित हुन्छ । १२. बच्चाको टाउको कुल उचाईको एकतिहाई हुन्छ, तर २५ वर्षको उमेरमा कुल उचाईको ८ भागको एक भाग हुन्छ । १३. रगतको एउटा थोपामा २५ करोड कोष हुन्छन् । १४. गर्भको शिशु ३ महिनाको हुँदा हातका पन्जा विकसित हुन्छन् । १५. मुत्राशयको आकार लगभग एउटा सफ्ट बलबराबर हुन्छ । १६. कपालको रौं दिनको ०.३ देखि ०.५ मिलिमिटर बढ्छ, जुन महिनामा १ सेमिदेखि १.५ सेमि र वर्षमा १२ देखि १५ सेमि हुन्छ । १७. कडा काम गर्ने एक वयस्कले दैनिक ४ ग्यालेन (१ ग्यालेन बराबर ३.७ लिटर) पसिना निकाल्छ । १८. स्वस्थ कलेजोले दैनिक ७ सय २० लिटर रगत प्रशोधन गर्छ । १९. मानिसको शरीरमा तातो महसुस गर्ने २ लाख अंग हुन्छन् । २०. मानिसको शरीरमा छुँदाखेरि महसुस गर्ने ५ हजार अंग हुन्छन् । २१. शिर काटिएको २० सेकेन्डसम्म मानिसको शरीर चेतनशिल हुन्छ । २२. डायफ्रागम नामको मांसपेशीले मानव श्वासप्रश्वास प्रक्रिया नियन्त्रण गर्छ । २३. भर्खर जन्मिएको बच्चाले जन्मनुअघि भएको स्नायुकोषको आधा भाग गुमाउँछ । २४. भर्खर जन्मिएको बच्चाको २६ अर्ब कोष हुन्छन् । २५. नवजात शिशुको दिमाग एक वर्षमै ३ गुणा चाँडो वृद्धि हुन्छ । –एजेन्सीको सहयोगमा

manab sarir