कात्तिक–२७ । विश्व कप २०१८ को लागि भइरहेको छनौट खेलमा शुक्रबार विश्व विजेता जर्मनीले जित दर्ता गरेको छ ।

समूह सीमा रहेको जर्मनीले सान मारिनोलाई ८–० को फराकिलो अन्तरले जित दर्ता गरेको छ । जर्मनीको सहज जितको लागि सर्ज नाब्रीले ३, जोनास हेक्टरले २ र सीमा खेडिरा र केविन भोल्लाण्डले १–१ गोल गरे । सान मारिनोका माट्टिए स्टेफानेलीले आत्मघाती गोल गरेपछि जर्मनीले सजिलो जित निकाल्यो ।

७ औँ मिनेटमा खेडिराले गोल गर्दै जर्मनीलाई सुरुवाति अग्रता दिलाए । ९ औँ मिनेटमा नाब्री तथा ३२ औँ मिनेटमा हेक्टरले गोल गरेपछि भ्रमण टोली जर्मनी पहिलो हाफमा ३–० ले अघि रह्यो ।

जर्मनीले दोस्रो हाफमा थप चार गोल ग¥यो भने सान मारिनोका एक खेलाडीले आत्मघाती गोल गरे । नाब्रीले ५८ र ७६ औं मिनेटमा थप दुई गोल गर्दै ह्याट्रिक पूरा गरे । ६५ औं मिनेटमा हेक्टरले व्यक्तिगत दोस्रो गोल गरे । ८२ औं मिनेटमा सान मारिनोका स्टेफानेलीले आत्मघाती गोल गरे । ८५ औं मिनेटमा भोल्लाण्डले गोल गरेपछि जर्मनी ८–० ले विजयी भयो । लगातार चार खेल जितेको जर्मनी १२ अंकसहित समूहको शीर्ष स्थानमा छ ।