कात्तिक २७ ।  विश्व स्वास्थ्य सङगठन र युनिसेफको एक प्रतिवेदनका अनुसार विश्वभरी अहिले पनि दादुराका कारण दैनिक झण्डै चार सय जना बालबालिकाको मृत्यु हुने गरेको छ । सन् २००० देखि २०१५ सम्मको अध्ययन गर्दा दादुराबाट मृत्यु हुनेहरुको संख्या घट्दै गएको देखिएपनि सन्तुलित सुधार भने हुन नसकेको राष्ट्रसङ्घका प्रवक्ताले शुक्रबार बताएका छन् । 'लोकतान्त्रीक गणतन्त्र कङगो, इथियोपिया, भारत, इन्डोनेसिया, नाइजेरिया र पाकिस्तानले दिएका विवरणहरुमा दादुराका कारण मृत्यु हुने बालबालिकाहरुको संख्या आधा घटेको छ ।', राष्ट्रसङ्घका सहप्रवक्ता फरहान हकले भने । 'दादुरालाई इतिहास बनाउन असंभव छैन,' युनिसेफका खोप प्रमुख रोबिन नन्दीले भने, 'संभव बनाउनका लागि हामीसँग ज्ञान र उपाय हामीसँग छ । जति टाढा भएपनि बालबालिकाहरु सम्म पुग्नका लागि हामीसँग राजनीतिक इच्छाशक्तिको खाँचो छ । राजनीतिक इच्छाशक्ति विना बालबालिका यसैगरी मरिनै रहने छन् ।' दादुरा विरुद्धको विश्वव्यापी अभियानलाई अझै क्षेत्रविस्तार गर्न युनिसेफ, डब्लुएचओ, गाभी, खोप सञ्जाल र रोग नियन्त्रण तथा निवारण केन्द्र क्रियाशिल रहेका छन् । तर प्रयासहरु अझै पनि अपर्याप्त भएका छन् । सन् २०१५मा झण्डै १ लाख ३४ हजार बालबालिकाको दादुराका कारण मृत्यु भएको तथ्यांक छ । 'यही रोगका कारण बर्षेनी लाखौ बालबालिकाको मृत्यु हुने कुरा स्विकार्नै नसकिने विषय हो । उनीहरुलाई बचाउने प्रभावकारी र सुरक्षित खोप हामीसँग छ र हामी उनीहरुलाई बचाऔं,' स्वास्थ्य सङ्गठनको खोप तथा जैविक विभागका निर्देशक जोन मरिक ओक्योबेलेले भने । उनले भने, 'यही बर्ष अमेरिकी क्षेत्रमा दादुरामुक्त क्षेत्र घोषणा गरिएको छ, यस्ले यो सम्भव छ भन्ने पुष्टी गर्दछ । अव हामी वाँकी विश्वमा पनि दादुरामुक्त क्षेत्र बनाउनु पर्दछ । यो अभियान खोपबाट सुरु गर्नुपर्छ ।'

bishwo swasthya sangathan dadurabata babalikako mirtue