एजेन्सी — पछिल्लो समय कफी विथ करणमा पाहुना बनेकी अभिनेत्री ट्वीङ्कल खन्नाले आफूले फिल्म ‘कुछ कुछ होता है’लाई रिजेक्ट गर्नुको तथ्य खोलेकी छिन् । फिल्मका निर्माता तथा निर्देशक करण जोहरले रानी मुखर्जीको साटो ट्वीङकल खन्नालाई फिल्मको अफर गरेका थिए । ट्वीङकलले निर्णय गर्नका लागि तीन दिनको समय लिइन् । तीन दिन पछि उनले करणको उक्त प्रस्तावलाई ठाडै अस्वीकार गरिन् । कफी विथ करणमा उनले फिल्म रिजेक्ट गर्नुको कारण खुलाउँदै भनिन्, ‘काजोल र शाहरुख भएको फिल्ममा मलाई कसले हेर्छ र ?’ ट्वीङकलले फिल्म अस्वीकार गर्दा आफू निकै उदास भएको करणले बताए । रानीले उक्त फिलम स्वीकार गरेपछि उनको फिल्मी करियरमा ठूलै परिवर्तन आएको र आफूले गर्दा नै रानीको फिल्मी करियर बनेको पनि ट्वीङकलले बताइन् ।

twinkle khanna